Негізгі бет
Алгебра 1
Course: Алгебра 1 > Unit 9
Lesson 1: Арифметикалық прогрессияға кіріспе.Арифметикалық тізбекке кіріспе
Жалпы прогрессияларды меңгер және арифметикалық прогрессияның не екенін үйрен.
Бұл сабақты бастамас бұрын, келесі тақырыпты білетініңе көз жеткіз: теріс сандарды қосу мен азайту.
Сан тізбегі деген не?
Төменде бірнеше сандар тізімі берілген:
- 3, 5, 7 ...
- 21, 16, 11, 6 ...
- 1, 2, 4, 8 ...
Мүшелерін нөмірлеп шығуға болатын сандар жиынын сан тізбегі деп атайды. Тізбектегі әр сан сол тізбектің мүшесі болып табылады.
Тізбектердің көбінде келесі мүшені анықтауға мүмкіндік беретін заңдылығы болады.
Мысалы 3, 5, 7... тізбегіндегі келесі мүшені табу үшін, әрқашан екіні қосып отырамыз:
Соңындағы үш нүкте біз тек бірнеше мүшені көріп тұрсақ та, тізбектің әрі қарай жалғаса алатынын көрсетеді.
Біз бұны заңдылықты қолдану арқылы істей аламыз.
Мысалы тізбектің төртінші мүшесі 9 болу керек, бесіншісі 11 және тағы сол секілді.
Түсінгеніңізді тексеріңіз
Тізбектерді заңдылықтарына байланысты жалғастыр.
Арифметикалық прогрессия деген не?
Жоғарыда көрсетілген мысалдардың көбінде келесі мүшені табу үшін алғашқы мүшеге санды қосу немесе азайту керек. Осындай заңдылыққа ие тізбек арифметикалық прогрессия деп аталады.
Арифметикалық прогрессияда көршілес тұрған мүшелердің айырмасы әрқашан бірдей.
Мысалы 3, 5, 7, 9... тізбегі арифметикалық прогрессия болып табылады, себебі екі көршілес мүшелердің айырмасы әрқашан екіге тең.
21, 16, 11, 6... тізбегі де арифметикалық прогрессия болып табылады, себебі екі көршілес мүшелердің айырмасы әрқашан минус беске тең.
1, 2, 4, 8... тізбегі арифметикалық прогрессия емес, себебі екі көршілес мүшелердің айырмасы әртүрлі.
Түсінгеніңізді тексеріңіз
Арифметикалық прогрессияның айырымы
Арифметикалық прогрессияның айырымы дегеніміз көршілес тұрған мүшелердің айырмасы болатын тұрақты шама.
Мысалы 10, 21, 32, 43 ... арифметикалық прогрессиясының айырымы 11:
–2, –5, –8, –11 ... арифметикалық прогрессиясының айырымы минус үшке тең:
Түсінгеніңізді тексеріңіз
Келесі не?
Арифметикалық прогрессиясының формулалары жайлы оқы. Ол тізбектегі кез келген мүшені табуға мүмкіндік береді.
Талқылауға қосылғыңыз келе ме?
Әзірге посттар жоқ.